महाराष्ट्र कामगार कल्याण मंडळ

२७ वी कामगार पुरुष विभाग व १७ वी महिला विभाग राज्यस्तरीय भजन स्पर्धा

राज्यस्तरीय भजन स्पर्धा २०२२-२०२३

रायफल शूटिंग रेंज आणि आर्चरी ट्रेनिंग सेंटरचे उद्घाटन व १३ व्या औद्योगिक व व्यावसायिक नाट्य स्पर्धेचे आणि ६८ व्या अंतिम नाट्य स्पर्धेचे पारितोषिक वितरण २०२२ - २०२३

मुंबई : महाराष्ट्र कामगार कल्याण मंडळ व जिल्हा क्रीडा अधिकारी मुंबई शहर यांच्या संयुक्त विद्यमाने सुरु होत असलेल्या या नव्या सुविधा विक्रमी वेळेत पूर्ण झाल्या असून त्यासाठी कौतुक करीत जास्तीतजास्त लोकांनी या नव्या सुविधांचा लाभ घ्यावा असे आवाहन मुंबई शहर जिल्ह्याचे क्रीडा अधिकारी राजीव निवतकर यांनी केले. ते मंडळाच्या हुतात्मा बाबू गेनू मुंबई गिरणी कामगार क्रीडा भवन, प्रभादेवी मुंबई येथे आयोजित १० मीटर रायफल शुटींग रेंज व आर्चरी ट्रेनिंग सेंटरचे उद्घाटन आणि ६८ वा राज्यस्तरीय अंतिम नाट्य महोत्सव व १३ वा औद्योगिक व व्यावसायिक कामगार नाट्य महोत्सवाचा पारितोषिक वितरण समारंभात बोलत होते. जिल्हाधिकारी निवतकर यांनी मंडळाच्या अशा उपक्रमांतून क्रीडा व नाट्य क्षेत्रात नैप्युन्य मिळवणारे तरुण तयार व्हावेत याकरिता मंडळास शुभेच्छा दिल्या व मदतीचे आश्वासन दिले. या समारंभासाठी कामगार आयुक्त सतीश देशमुख, ज्येष्ठ नाट्य व चित्रपट दिग्दर्शक कुमार सोहनी, अर्जुन पुरस्कार विजेती नेमबाज दिपाली देशपांडे, कामगार विभागाचे अपर कामगार आयुक्त शिरीन लोखंडे, सहसचिव शशांक साठे, जिल्हा क्रीडा अधिकारी अभय चव्हाण व त्याचे सहकारी नवनाथ फडतारे, अॅक्युसर्व इंटेग्रेटेड फॅसिलिटीज प्रा.लि.चे संचालक धर्मेश गांमी, नाट्य परीक्षक श्रीनिवास नार्वेकर आणि कल्याण आयुक्त रविराज इळवे आदी मान्यवर उपस्थित होते. कामगार आयुक्त सतीश देशमुख यांनी मंडळाची नाट्य स्पर्धा हि शासनाच्या नाट्य स्पर्धेअगोदर सुरु झालेली असून मंडळात हे दोन नवे उपक्रम सुरु होत असून नागरिकांनी सहभागी होऊन याचे सार्थक करावे असे आवाहन केले. कुमार सोहोनी यांना पहिला नाट्य दिग्दर्शनाचा पुरस्कार मंडळाच्या स्पर्धेतून 'काका किशाचा' या नाटकासाठी १९७३-७४ मध्ये मिळाल्याच्या आठवणी जागवल्या व नाट्य क्षेत्रातला सुप्रसिध्द संगीत नाटक अकादमीचा पुरस्कार मिळाल्याचे सांगितले. तसेच आजकाल चित्रपट व मालिकांकडे जाणाऱ्यांचे प्रमाण जास्त असलेतरी रंगमंचाची नाळ तोडू नये असे आवाहन सर्व उपस्थित नाट्यस्पर्धेच्या विजेत्यांना केले. जिल्हाधिकारी राजीव निवतकर यांच्या हस्ते उदघाटन झालेल्या १० मीटर रायफल शूटिंग रेंजमध्ये एकावेळी १५ खेळाडू सराव करु शकतील. तसेच आर्चरी ट्रेनिंग सेंटरमध्ये एकावेळी २१ खेळाडू सराव करु शकतील. सदर प्रकल्पाचा कालावधी दोन ऑलिंपिक सायकल (२०२१ ते २०२८) आहे. हेच या दोन्ही उपक्रमांच वैशिष्ट्य आहे. याप्रसंगी मान्यवरांच्या हस्ते मंडळाच्या दोन राज्यस्तरीय नाट्य स्पर्धांचा पारितोषिक वितरण समारंभ देखील संपन्न झाला. यातील १३ वा औद्योगिक व व्यावसायिक कामगारांसाठीचा राज्यस्तरीय नाट्यमहोत्सव दि. ३ फेब्रुवारी ते २५ फेब्रुवारी २०२३ या कालावधीत कामगार कल्याण भवन, राजे रघुजी नगर, नागपूर येथे संपन्न झाला होता. यात १८ संघ सहभागी झाले होते. यास्पर्धेचे परीक्षण प्रभाकर दुपारे, किशोर डाऊ, नरेंद्र आमले, सुधाकर गीते व रूपाली कोंडेवार-मोरे यांनी केले होते. तसेच ६८ वा राज्यस्तरीय अंतिम नाट्य महोत्सव दि. १० ते २७ फेब्रुवारी २०२३ या कालावधीत कामगार कल्याण भवन, विक्रोळी, ठाणे येथे संपन्न झाला होता.यात १४ संघ सहभागी झाले होते व यास्पर्धेचे परीक्षण गुरुनाथ वठारे, मृणाल चेंबूरकर, सुहास भोळे,श्रीनिवास नार्वेकर व मंगेश नेहरे यांनी केले होते. महाराष्ट्र कामगार कल्याण मंडळातर्फे १३ वा औद्योगिक व व्यावसायिक कामगारांसाठीचा राज्यस्तरीय नाट्यमहोत्सव दि. ३ फेब्रुवारी ते २५ फेब्रुवारी २०२३ या कालावधीत कामगार कल्याण भवन, राजे रघुजी नगर, नागपूर येथे संपन्न झाला. स्पर्धेचे उद्घाटन श्री. विजयकुमार टी., डेप्युटी जनरल मॅनेजर, लुपिन प्रा.लि.,मिहान ,नागपूर, श्री.केवल जिवनतारे, जेष्ठ नाट्य समिक्षक तथा वरिष्ठ पत्रकार, दैनिक सकाळ, जिवन वाघमारे शाखा व्यवस्थापक, बॅंक ऑफ महाराष्ट्र, नागपूर, परिक्षक श्री.प्रभाकर दुपारे, श्री.किशोर डाऊ, श्री.नरेंद्र आमले, श्री.सुधाकर गीते व श्रीमती रूपाली कोंडेवार-मोरे व श्री.नंदलाल राठोड, सहाय्यक कल्याण आयुक्त, नागपूर आदी मान्यवरांच्या उपस्थितीत संपन्न झाले. एकूण १८ नाट्य संघांनी स्पर्धेत सहभाग घेतला होता. महाराष्ट्र कामगार कल्याण मंडळाच्यावतीने ६८ वा राज्यस्तरीय अंतिम नाट्य महोत्सव दि. १० ते २७ फेब्रुवारी २०२३ या कालावधीत कामगार कल्याण भवन, विक्रोळी, ठाणे येथे संपन्न झाला. नाट्य महोत्सवाचे उद्घाटन आमदार श्री. सुनील राऊत, जेष्ठ रंगकर्मी श्री. जनार्दन लवंगारे, सीएट कंपनीचे मानव संसाधन व जनसंपर्क अधिकारी श्री. विकास शिर्के, वरिष्ठ पोलिस निरीक्षक श्रीमती शुभदा चव्हाण तसेच परीक्षक श्री. गुरुनाथ वठारे, श्री. सुहास भोळे, श्री. मंगेश नेहरे, श्री. श्रीनिवास नार्वेकर, श्रीमती मृणाल चेंबुरकर व कल्याण आयुक्त श्री रविराज इळवे, प्र.सहायक कल्याण आयुक्त श्री.नितीन पाटील आदी मान्यवरांच्या उपस्थितीत संपन्न झाला. स्पर्धेत १४ नाट्य संघांनी सहभाग नोंदविला होता.

राज्यस्तरीय कामगार केसरी व कुमार केसरी कुस्ती स्पर्धा २०२२ - २०२३

मुंबई - सदगुरू श्री श्री साखर कारखाना, आटपाडीच्या कालीचरण सोलणकरने क्रांतिसिंह सहकारी साखर कारखाना, कुंडलच्या भारत पवार सोबत कडवी झुंज दिली. दोन्ही पैलवानांनी डाव-प्रतिडाव टाकत कुस्तीत रंगत आणली. अखेर हुकुमी चालीमुळे कालीचरणने बाजी मारत कामगार केसरीचा मान, चांदीची गदा, मानाचा पट्टा व पंच्याहत्तर हजाराचे पारितोषिक पटकावले.तर कुमार केसरी स्पर्धेत आरु खांडेकर, सदगुरू श्री श्री साखर कारखान्याच्या पैलवानाने उदयसिंग साखर कारखान्याच्या अभिनंदन बोडके वर निर्विवाद वर्चस्व मिळवत कुमार केसरीचा किताब,चांदीची गदा, मानाचा पट्टा व एकावन्न हजाराचे बक्षीस मिळवले. महाराष्ट्राचे कामगार मंत्री डॉ.सुरेश (भाऊ) खाडे यांनी याप्रसंगी सर्व पैलवानांचे कौतुक करीत कामगार कल्याण मंडळाच्या उपक्रमांचे कौतुक केले. मंडळाच्या कल्याणकारी उपक्रमांचा लाभ जास्तीतजास्त कामगारांनी घ्यावा असे आवाहनही केले. ते श्रमिक जिमखाना, ना.म.जोशी मार्ग येथे झालेल्या महाराष्ट्र कामगार कल्याण मंडळ आयोजित राज्यस्तरीय कामगार केसरी कुमार केसरी कुस्ती स्पर्धेच्या पारितोषिक वितरण समारंभात बोलत होते. समारंभास कल्याण आयुक्त रविराज इळवे, मुंबई शहर तालीम संघाचे उपाध्यक्ष शशिकांत देशमुख, जिल्हा क्रीडा अधिकारी अभय चव्हाण तसेच मंडळाचे सर्व अधिकारी व मुंबई शहर तालीम संघाचे सर्व पदाधिकारी आदी मान्यवर उपस्थित होते. दि.५ ते ७ फेब्रुवारीदरम्यान महाराष्ट्र राज्य कुस्तीगीर परिषदेच्या नियमांप्रमाणे व मुंबई शहर तालीम संघाच्या सहकार्याने ही स्पर्धा महाराष्ट्र कामगार कल्याण मंडळाने आयोजित केली होती. स्पर्धेचे उद्घाटन रविवार दि. ५ फेब्रुवारी २०२३ रोजी बृहन्मुंबई महानगरपालिकेच्या श्रमिक जिमखाना, लोअर परळ येथे आमदार अजय चौधरी, कामगार विभागाचे अवर सचिव दिलीप वणिरे, सोफिटेल रिसॉर्ट अँड हॉटेलचे संचालक सलील देसाई, वरिष्ठ पोलीस निरीक्षक सुनील चंद्रमोरे, ज्येष्ठ कामगार नेते व माजी मंडळ सदस्य दिलीपदादा जगताप, मुंबई शहर तालीम संघाचे सरचिटणीस प्रकाश तानवडे, श्री शिवछत्रपती पुरस्कार विजेते आनंदा शिंदे, आनंदा गायकवाड व कल्याण आयुक्त रविराज इळवे आदी मान्यवरांच्या उपस्थितीत संपन्न झाले होते.

राज्यस्तरीय औद्योगिक व व्यावसायिक कामगार व महिलांसाठी खुली कबड्डी स्पर्धा २०२२ - २०२३

गुणवंत कामगार पुरस्कार वितरण सोहळा २०२१

( पुरस्कार्थी – सन २०१५ व २०१७ )

गुणवंत कामगार पुरस्कार वितरण सोहळा २०२१ मंडळाच्या हुतात्मा बाबू गेनू मुंबई गिरणी कामगार क्रीडा भवन, प्रभादेवी, मुंबई येथे मंगळवार, दि.९ फेब्रुवारी २०२१ रोजी सायंकाळी ४ वाजता संपन्न झाला. सदर सोहळ्यात सन २०१५ आणि २०१७ मधील २ कामगार भूषण पुरस्कार आणि १०३ गुणवंत कामगार कल्याण पुरस्कारांचे वितरण करण्यात आले.

मा.ना.श्री.दिलीप वळसे-पाटील (मंत्री, कामगार) मा.ना.श्री.ओमप्रकाश ऊर्फ बच्चू कडू (राज्यमंत्री, कामगार), मा.श्रीमती विनिता वेद-सिंघल (प्रधान सचिव, कामगार), मा.डॉ.महेंद्र कल्याणकर (कामगार आयुक्त, महाराष्ट्र राज्य), मा.श्री.पंकज कुमार (विकास आयुक्त), मा.डॉ.श्रीकांत पुलकुंडवार (उपसचिव), मा.श्री.शशांक साठे (सहसचिव), मा.श्री.श्री.चु.श्रीरंगम (सचिव तथा मुख्य कार्यकारी अधिकारी, महाराष्ट्र इमारत व इतर बांधकाम कामगार कल्याणकारी मंडळ), मा.श्री.रविराज इळवे (कल्याण आयुक्त) आदी मान्यवर यावेळी उपस्थित होते.

कोरोना संसर्गाच्या पार्श्वभूमीवर कार्यक्रमस्थळी मर्यांदित लोकांना प्रवेश देण्यात आला होता. तथापी सोहळ्याच्या आनंदापासून कुणी वंचित राहू नये म्हणून सदर सोहळ्याचे थेट प्रक्षेपण युट्युब आणि फेसबुकद्वारे करण्यात आले होते. कार्यक्रमाचे प्रास्ताविक कल्याण आयुक्त रविराज इळवे यांनी केले. आभार सहायक कल्याण आयुक्त माधवी सुर्वे यांनी मानले. कार्यक्रमाचे सूत्रसंचालन कल्पना साठे यांनी केले.